De radio station does always play request music and people does tek de opportunity to send out greetings.Dem have people who does wait fuh let de whole world know when is somebody birthday or wedding anniversary or some other anniversary.A man tell some women that he wasn’t married but de next day there was de request programme and there was de announcement of his wedding anniversary.De request come from de man wife wid lots of love and from he three wonderful children. Dem sweet women call he de next day and he claim how is not one dog name Pompey.Then there was Uncle Freddie. He celebrate he 60th birthday last week but he didn’t tell anybody. De week before he tell he lawyer how he is 47 and de lawyer mek that announcement in court.Dem boys hear when de lawyer tell de court how he client is a lecturer and how he is 47 years old. When Uncle Freddie hear that dem boys gun put a birthday request in de papers he stop going by de Waterfalls paper.But de strangest thing happen Sunday. Dem had de request programme Filmi Dunya pun de radio station. Dem boys de listening to de programme and dem hear sheer love.Assistant Superintendent Trotz send a special request to Assistant Commissioner David Ramnarine and Commissioner Henry Greene wid lots of love from you know who. De song was Kuch Kuch hota hai—Something happened to my heart.Is now dem boys understand de implications of de problems in de States. Don’t ask don’t tell.Talk half. Lef half.作者: xuejun1qz5 時間: 2017-5-18 10:31 標題: zapatillas adidas yeezy boost En línea 62474 zapatillas adidas neo baseline Par
