Years ago dem had a tower at Sparendaam fuh help wid de radio signal. That tower been deh fuh years and dem boat coming in to Georgetown use to use that tower as a kind of beacon. Some of dem same boat in de daytime use to use de Chateau Margot chimney.When Jagdeo decide that he need a beachfront mansion he pick de Plaisance Seawall. But dem had a tower suh he had to find a way fuh move de tower. He come up wid a flimsy excuse and he get de people at Ogle to agree wid he. He claim how de tower deh in de path of dem plane wha flying in and out of Ogle.Plane been flying in and out of Ogle fuh more than he lifetime and de tower never trouble dem. But Jagdeo get big and he want de land suh all of a sudden de tower in de way. Dem move de tower quietly and put it at Parfaite on de West Demerara. Jagdeo get de land fuh he and he kavakamites dem. Dem all build dem beachfront mansion and rename de place Pradoville 2.Dem got a playground in front. That playground been there for more than he Mooma and Daady lifetime. If dem boys ain’t lie it gone past 100 years. Jagdeo want that playground too suh he complain that when people play pun de ground dem disturbing he from getting he rest. He move in like if he Mooma mek him deh and de people who been deh all dem lifetime suddenly ain’t belong there anymore.He come up wid another scam fuh get rid of de people once and for all. He decide that he gun put up a tower pun de ground not too far from wheh de first one been. That was de one that he remove. He now telling de people this one is fuh e-governance fuh calm dem. But de people read he like a book. Dem know wheh he coming from.He want tek over de playground fuh he and he kavakamite children.How come this tower ain’t deh in de flight path. That is wha de Plaisance people want fuh know. No wonder de contractor pack up and gone,Wholesale Soccer Jerseys, yesterday.Talk half.
